وقفت غزه لوحدها

م/ عادل عواد

وقفت غزه لوحدها

ضد الحصار.......... والنار بتلفح وشها

بين المعابر والبحار ..... واقفه فى قلب سجنها

تحت المدافع ........ والكلاب عاوزه تنهش جسمها

مش لاقيه حد يصدها ....ولا لاقيه حد يردها

غير ابن غزه...... واقف لوحده ضدها

لملم جراحه وشال سلاحه وراح لها

مسك ايديها ولم توبها وقالها

انا لها

لحد ماتصحى العرب من حلمها

لحد ما توفى العرب بوعدها

لحد ما ترجع خواتى لعقلها

انا لها

طول ما روحى بين ضلوعى فى جسمها

طول ما ايدى قادره تمسك درعها

طول ما عينى لسه شايله رمشها

انا لها

انا وابنى وبنتى والف بنت ذيها

برغم الحصار والدمار والمذابح كلها

اللى مش فارق معاها.......

الشيوخ والنساء والاطفال فى مهدها

مش بترحم ام حامل فى ابنها

او طفل شايل شنطته وابلته واقفه بتشرح درسها

او جثه راقده جوه فى قبرها

انا لها

حتى الكنايس والمساجد ........ بتهدها

والمشافى والمدارس واللى واقف جنبها

والحجه دايما ان السلاح كان مستخبى فى قلبها

يمكن صاروخ كت راسه وارمه .....

او بندقيه قامت تصلى لربها

انا لها

انا والاسود واقفين ياغزة فى وشها

فى وش الكلاب اللى بتجرى لما حد يهشها

اللى سلاحها طيرات ودبابات.... ودعم جاى من ابرها

انا قصدى بوش وكوندليزا واللى جاى فى صفها

وانا سلاحى بندقيه ودعوه جايه من بنيه واقفه جنب امها

سانده اخوها اللى اتجرح وماسكه طوبه فيدها

ودعم جايلى من شعوب متكتفه....اديها خلف ضهرها

انا لها

ويا غزه بلاش تسألى... فين حكام العرب؟؟؟

لان ردى هيوجعك وهتزعلى لو تعرفى ايه ردها

سحبت سفيرها؟؟ فتحت حدودها للجهاد؟؟؟

ابدا دى رفضت عقد قمه وارسلت مناديب لها

راحت لمجلس امن خايب قال لها

العيب مش فى المعتدى !!!!!.....العيب فى غزه واهلها

انا لها

وصحيح يا غزه الليله طالت..والضلمه ذادت. ولجل ما يطلع فجرها

لازم اخواتى تييجى تحط ايدى فى يدها

ويصبح كلامنا كلمه واحده .......وقتها !!!

احلف يا غزه...... ل نذلها

ونكسر يا غزه انفها

ونرد كيدها فى نحرها

وبايدينا نحفر قبرها

وتعيش ولادنا فى بلادنا...... بطولها وعرضها

ولحد اليوم ده ماييجى ياغزه

انا لها.......انا لها........انالها